Sahifada 21-oktabr O’zbek tili bayrami kuni uchun kelajak soati 8-mavzu O’zbek tili – bizning faxrimiz mavzusida qisqacha matn keltirdik.O’quvchilarga O’zbek tili haqida tushunchaga ega bo’lishlari uchun foydali mavzu.
O’zbek tili bayrami kuni matn.
Har bir xalqning o‘z tili bo‘ladi. Til — bu xalqning yuragi, o‘zaro muloqot vositasi va tarixining bir qismidir. Bizning xalqimizning faxri — bu o‘zbek tilidir.
O‘zbek tili davlat tili sifatida 1989-yil 21-oktabrda qabul qilingan. Shu kundan boshlab har yili bu sana O‘zbek tili bayrami kuni sifatida nishonlanadi.
Ona tilimizda gapirish, yozish, o‘qish biz uchun faxrdir. Chunki o‘zbek tili juda boy, chiroyli va ohangdor. Alisher Navoiy, Abdulla Qodiriy, Zulfiya, Abdulla Oripov kabi adiblar ana shu tilda o‘lmas asarlar yaratganlar.
Biz, yoshlar, tilimizni bilishimiz, to‘g‘ri yozishimiz va uni asrab-avaylashimiz kerak. Tilni asrash — xalqni asrashdir. Chunki tili yo‘qolgan millatning o‘zi ham yo‘qoladi.
Shuning uchun biz har kuni o‘z ona tilimizda faxr bilan so‘zlashaylik, uni e’zozlaylik va avlodlarimizga toza, go‘zal holda yetkazaylik!
