Mardlar qo’riqlaydi vatanni tadbir ssenariysi.
“Mardlar qo‘riqlaydi Vatanni” nomli tadbir ssenariysi Vatan himoyachilariga bag‘ishlangan bo‘lib, unda mardlik, jasorat va vatanparvarlik g‘oyalari asosiy o‘rinni egallaydi. Ushbu sahifada maktablar, bog‘chalar va turli muassasalar uchun mo‘ljallangan tayyor tadbir ssenariysi, sahna ko‘rinishlari, boshlovchilar nutqi hamda bayram dasturi jamlangan. Ssenariy 14-yanvar — Vatan himoyachilari kuni tadbirlarini mazmunli va ta’sirli o‘tkazish uchun mos keladi.
Mavzu: Mardlar qo’riqlaydi Vatanni.
Maqsad:a) Vatan himoyachilari kuni haqida ma’lumot berish;
в) O’quvchilarni Vatanga,o’zbek xalqining buyuk siymolariga, vatan uchun jonini fido qilgan, shahid ketgan afg’on jangchilariga muhabbat ruhida tarbiyalash, ularni qiyinchiliklarga bardosh berishga, harbiylarning og’ir mashaqqatli mehnatini hurmat qilishga chaqirish;
- s) Milliy iftixor tuyg’usi ruhida
Maktab faollar zali va sahnasi bayramona bezatilgan. Amir Temurning: «Askari qudratli mamlakat boy bo’lur”, «Kuch adolatdadir» kabi o’gitlaridan namunalar plakatlarda aks ettirilgan. Zalning bir tomonida “O’zbekiston Respublikasi Qurolli kuchlari – yurt tinchligi va xavfsizligining kafolatidir, “O’zbekiston qonunlari,” “Harbiylar hayotidan” kabi sarlavhalar ostida fotoko’rgazmalar tashkil etilgan. Ikkinchi tomonda esa “Vatan posbonlari”, “Biz munosib izdoshlarmiz” kabi mavzularda o’quvchilarning yozgan ijodiy ishlari, ma’ruzalari va rasmlari. Shuningdek, zal Vatan himoyachilari kuniga bag’ishlangan devoriy gazetalar, rang-barang gullar va sharlar bilan bezalgan.
Bayram tantanasiga hokimiyat, xalq ta’limi xodimlari, harbiy faxriylar va xizmatchilar, askarlar va ularning yaqinlari, mahalla faollari, faxriy ustozlar va ota- onalar taklif etiladi.
Ma’naviyat va ma’rifat bo’yicha direktor o’rinbosari tadbirni ochiq deb e’lon qiladi.
O’zbekiston Respublikasi Davlat madhiyasi yangraydi. Tadbir qatnashchilari, taklif etilgan mehmonlar, o’quvchilar o’ng qo’lini ko’ksiga qo’yib, madhiyaga jo’r bo’ladilar.
Maktab direktori Vatan himoyachilari kuni haqida tushuncha berib, barchani bayram bilan qutlaydi.
Maktab direktori 1992- yil 14- yanvarda O’zbekiston Respublikasi Oliy Kengashining “O’zbekiston Respublikasi hududida joylashgan harbiy qismlar va harbiy o’quv muassasalari to’g’risida”gi qarori asosida O’zbekistonning o`z Qurolli Kuchlari tashkil etildi.O’zbekiston Respublikasi Oliy Kengashining 1993- yil 29 – dekabrdagi “Vatan himoyachilari kuni belgilash to’g’risida”gi qonunga binoan, 14 –yanvar- Vatan himoyachilari kuni,deb e’lon qilindi.
Mustaqillik yillarida Yurtboshimiz tashabbusi bilan amalga oshirilayotgan harbiy islohatlar jarayonida qisqa muddat ichida O’zbekistonda mamlakatimiz xavfsizligi va barqarorligi sarhadlarimiz daxlsizligini ishonchli himoya qilishga har jihatdan qodir bo’lgan zamonaviy,eng yangi qurol -yaroqlar va harbiy texnika bilan ta’minlangan mutlaqo yangi milliy armiyamiz vujudga keldi.
Uning zamirida xalqimizning ming yillar davomida shakillangan qadimiy an`ana va qadriyatlari,buyuk ajdodlarimiz Jaloliddin Manguberdi,Amir Temurning vatanga bo’lgan muhabbati va yurtga bo’lgan sadoqatida mujassamdir.
Albatta,biz o’z milliy armiyamiz bilan har qancha faxrlansak arziydi.
Barchalaringizni Vatan himoyachilari bayrami kuni bilan chin dildan tabriklayman. Sog’lik, omad, baxt sizni hech qachon tark etmasin.
( Maktab direktori tadbirga kelgan mehmonlar bilan tanishtiradi va so’zni tadbirni boshqarib boruvchi oquvchilarga beradi).
I-boshlovchi:
Assalom , armiyam, ulug’ ostonam ,
Onamday mehribon, qutlug’ ostonam!
Bag’ringda to’lamiz kuchga, quvonchga,
Bo’lamiz izmingda mardona har dam!
II boshlovchi:
Assalom, davrimiz olov yoshlari,
Buyuk kelajakning ijodkorlari!
Assalom, ertaning yaratguvchisi,
Yurtimiz shavkati, nomusi, ori!
I boshlovchi:
Assalomu alaykum, aziz mehmonlar, qadrli o’qituvchilar va jamiyki davra ahli!
Bugun maktabimizda katta tantana,Mustqil O’zbekistonimiz vatan himoyachilarining, jasur va mard askarlarining bayramlari.
II boshlovchi:
Vatan himoyachilari davlatimiz xavfsizligi va xalqimizning tinch hayotini ta’minlaydilar. Yurt tinchligi vatan ozodligi va mustaqilligi bilan chambarchas bog’liqdir.
Bayramingiz muborak bo`lsin,aziz harbiylar!
(Bir guruh harbiy kiyimdagi o’g’il bolalar shaxdam qadamlar bilan “Harbiylar qo’shig’i”ni kuylab,sahnaga kirib keladilar).
Elim deb, yurtim deb yashar harbiylar,
Gayrati Amuday jo’shar harbiylar.
Ona yurt – Turonda tinchlik yo’lida
Insoniy burchini o’tar harbiylar!
Naqorat:
Ey,dunyo nazari tushgan hur o’lka,
Sen bilan biz doim elkama-elka.
Yo’lboshching yonida kamarbastamiz,
Metinday mustahkam po’lat safdamiz.
Ahdimiz oqlshga burchli, haqlimiz,
Osuda, tinch yasha, ey yurt, xalqimiz!
Osmon-u falakda, hushyor harbiylar!
Sarhadda, izmida hushyor harbiylar!
Yomon ko’z, yovlardan elni asrshga
Kecha-yu kunduzi tayyor harbiylar!
Naqorat
Elim deb, yurtim deb yashar harbiylar,
Qudrati kundan – kun oshar harbiylar!
Adolat, Halollik, Tinchlik shiori,
Insoniy burchini o’tar harbiylar!
I – o’quvchi:
Salom, sizga, eng oily kalom,
O’zbekiston mard posbonlari!
Sizga ta’zim, sizga ehtirom,
Ey bahodir, pahlavonlari!
2 – o’quvchi:
O’z izmida hushyor hamisha
Ezgu ishga safarbar sherlar!
Eyr –u osmon, tog’, davon osha
Mard –u maydon muzaffar erlar!
3 – o’quvchi:
Yurtimning biz – jasur o’g’lonlarimiz,
Elimiz tinchligin posbonlarimiz,
Sergakmiz, hushyormiz kecha –yu kunduz,
Haq – u adolatning qalqonlarimiz.
4 – o’quvchi:
Istiqlol mayog’i porlagay abad,
Erkimiz tug’idan nurafshon hayot.
Bunyodkor, mehnatkash ona xalqimiz,
Otalar g’ururi bizga qo’sh qanot.
5 – o’quvchi:
Tog’ qadar yuksalsin shon – shavkatimiz,
Dovul yo’lin to’sgay kuch – qudratimiz.
Baxt –u farovonlik tutgan yo’limiz,
Jahonda omonlik shul ibratimiz.
6 – o’quvchi:
Biz,buyuk Turonning mard o’g’lonlari,
Hamisha adolat, haq qalqonlari.
Ona vatan uchun xizmatga shaymiz,
Yashnasin, gullasin yurt qo’rg’onlari!
I boshlovchi:
Endi e’tiborlaringizga vatan haqidagi rivoyat asosida tayyorlangan sahna ko’rinishini havola etamiz.
Rivoyatchi:
Qadimgi hoqonlar davrida Mote ismli yosh hukumdor yashagan ekan. Qo’shni hoqon uning yurtiga elchi yuboribdi.
Elchi: Hoqonimiz aytdilarki:”Siz sevimli tulporingiz – sutdek oq, muqaddas otingizni berar ekansiz, bermasangiz, yurtingizga urush qilamiz”.
Yosh hoqon: Menga yurtim, fuqarolarim tinchligi kerak. Shu bitta ot uchun urush qilmoqchi bo’lsang, olaqol.
Rivoyatchi: Mote yurt osoyishtaligi uchun tulporini berib yuboribdi.
Hoqon sevinib, yana elchisini yuborib, bu gal Motening kanizagini so’rabdi va niyatiga yetibdi.
Uchinchi gal elchi kelib, hukmdordan qarovsiz, biror giyoh o’smaydigan,yil bo’yi suvga zor bir parcha yerni so’rabdi.
Vazir va uning ayonlari sukut saqlab qolgan yosh hukumdorga shunday debdilar:“Hoqonim, Siz ulardan sevimli otingizni va kanizagingizni ayamadingiz. Mayli, o’sha bir parcha tashlandiq yerni ham beraylik.”
Hoqon: Yo’q tulpor, kanizak menga tegishli edi, berdim. Ammo bu bir parcha yer – vatan va uning uning sarhadlarida, ota – bobolar, navara – chevaralarning ham haqqi bor.
Ularning haqini boshqalarga berolmayman.
U yer –
Garchi o`sha bir parcha yer
Qizib yotar naq tandir.
Begona yer emas,
Bizlar uchun vatandir.
Rivoyatchi: Hukumdor bir parcha yerni dushmanga bermaslik uchun xalqini safarbarlikka otlantiribdi. Ona yurt ishqini yurakka joylab, jangga kirishgan qo’shinni ko’rib, ularning shiddatiga dosh berolmay dushman yengilibdi.
II boshlovchi:
O’zbekiston Respublikasi Konstitutsiyasining XI bob 52 – moddasida shunday deyiladi: “O’zbekiston Respublikasini himoya qilish – O’zbekiston Respublikasi har bir fuqarosining burchidir. Fuqarolar qonunda belgilangan tartibda harbiy yoki muqobil xizmatni o’tashga majburdir. ”
(Askarlikka kuzatish marosimi ko’rsatiladi).
I boshlovchi:
Endigi tabrik so’zini yaqindagina harbiy xizmatni o’tab qaytgan askar yigit Anvarjondan eshitsak.
Harbiy askar: Vatan himoyachilari kuni muborak bo’lsin!
Men yaqinda harbiy xizmatdan qaytdim. Harbiy xizmatni o’tash har bir yigit uchun sharafli burchdir.
Davlatimiz tomonidan mudddatli harbiy xizmatni o’tab qaytgan askarlarga ko’pgina imtiyozlar berilgan. Jumladan, namunali xulqi, intelektual salohiyati, astoydil xizmati bilan boshqalarga o’rnak bo’lgan askarlarga oily o’quv yurtlariga kirishlari uchun tavsiyanomalar beriladi. Bunda ular oily ta’lim muassasalariga kirish uchun yig’ilgan maksimal ballning yig’ilgan 27 % iga imtiyozli ravishda ega bo’ladilar. Bu esa yurtboshimiz tomonidan biz askarlarga ko’rsatilayotgan yuksak e’tibor va g’amxo’rliklar samarasidir.
Bularning barchasi biz -yoshlarni ona – vatanimizni asrab- avaylashga , uning shuhratini yanada yuksaltirish yo’lida o’qib,izlanishga va hayotda o’z munosib o’rnimizni topishga undaydi.Men bundan faxrlanaman ( O’quvchilar harbiy askarga guldastalar taqdim etishadi).
(“Andijon polkasi” raqsi ijro etiladi).
I boshlovchi: Endi harbiylar hayotidan qatra xandalar tomosha qiling.
Bir harbiy xizmatdan horib, charchab qaytib kelayotsa , yo’lda bitta shisha idish topib olibdi. Shisha og’zini ochgan ekan, undan bitta jin chiqib kelibdi.
U jindan so’rabdi:
– Sen haqiqatdan jinmisan?
-Albatta,xo’jayin.
-Hamma narsani qilishni,ayganlarimni uddalashni bajara olasanmi?
-Albatta,xo’jayin.
-Unda menga chet elga borish uchun bitta “zagranpasport”
qilib ber!
-Uch yuz dollor, xo’jayin!
-A?
-Ha. Hozir jinlar ham tadbirkor bo’lib ketishgan-ku!
II boshlovchi Har bir askar xizmati Vatanga qasamyod qilishdan boshlanadi va unga umrbod amal qiladi.
Sahna pardasi ochiladi. Sahna to’rining markazida harbiy xizmatga chaqirilgan askarning tik turgan davlat bayrog’i oldida tiz cho’kib, do’stlari yonida qasamyod qilayotgan payti tavirlangan.Uning yonida oq libosda turgan askar onasining Vatan himoyasiga otlangan o’g’lonlar uchun duoga qo’l ochib,oq fotiha berayotgani tasviri keltirilgan.
Ayni shu pallada ikki o’quvchi qo’lida guldasta bilan sahnaning ikki chekkasida turib she’r o’qiydi.
1- o’quvchi:
Shaxdam qadam ila olg’a bosarlar,
Bo’y- basti kelishgan,o’ktam o’g’lonlar,
Havas ila boqar sizga odamlar,
Xalqni baxt-la asragan,ko’ksi qalqonlar!
2- o’quvchi:
Tinchlik hukm surar yurt osmonida,
Anvoyi gullar bor bog’- bo’stonida,
Hamisha hushyordir yurt qo’rg’onida,
Mudom omon bo’lsin, bedor posbonlar!
( O’quvchilar “Botir askarlar ” qo’shig’ni ijro etishadi).
I boshlovchi: Endi sahnaga harbiylar sulolasi vakillarini taklif qilamiz.
Marhamat.
Ota va o’g’ilcha harbiy kiyimda shaxdam qadamlar ila sahnaga chiqib kelishadi.
O’g’il : Dadajon,askar akam
Qadam tashlar gurs, gurs, gurs
Vatanimga,xalqimga
Sodiqman deb began so’z.
Shundaymi?
Ota: – Shunday!
O’g’il : Men ularning ukasi,
Qanday bo’lishim kerak?
Vatan ishiga tayyor –
Bo’lib turishim kerak.
Shundaymi?
Ota: – Shunday!
O’g’il : Vatanimni, xalqimni
Ko’z qorachig’imdek asrayman.
Askar akamga o’xshab,
El ishonchin oqlayman.
Shundaymi?
Ota: – Shunday!
Ofarin,ota o’g’il,
Tilginangga bol -shakar,
Sen ham bir kun ulg’ayib,
Bo’lasan botir askar.
II boshlovchi: Yana sizlarni qatra xandalar tinglab, tomosha qilishga taklif etamiz.
Praporshik uyiga kelib xotiniga dedi:
– Qornim rosa ochiqdi, darhol olib kelgin ovqatingni.
Xotin unga nisbatan nolishini boshladi:
– Bugun shunday charchadim- ki! Kun bo’yi bir marta o’tirib turishga ham vaqtim bo’lmadi.
– Praposhikning xotiniga rahmi keldi va uni ikki yuz marta o’tirib turishga majbur qildi.
I boshlovchi:
Yurtimizda To’marisning avlodlari Barchinoyday shiddatli, shaxdli,qasamyodiga sodiq, ahdlari qutlug’ posbon libosini kiygan ayollarimiz talaygina. Biz ana shu elkalarida yulduzchalar porlab turgan xotin- qiz harbiylarimizni bugungi bayram ila quyidagi ash’or ila chin ko’ngildan tabriklaymiz. Doimo ular sog’ – salomat bo’lishsin, omad, baxt ularni hech qachon tark etmasligini tilab qolamiz.
1- o’quvchi:
Baxtlisizlar, kun tun elga tinchlik so’rab,
Lekin doim yurolmaysiz kulib yayrab.
Yurtni ko’proq sevgim kelar sizga qarab,
El posboni libosin kiygan qizlar.
2- o’quvchi:
Elkangizda yulduzchalar porlab turar,
Sizni mudon yorug’likka chorlab turar.
Siz kulganda osoyishta olam kular,
El posboni libosin kiygan qizlar.
- o’quvchi:
Siz- jasur malikasiz,jur’atlisiz,
Gulchehrasiz-hamda go’zal siyratlisiz,
O’rni kelsa,shamoldan ham shiddatlisiz,
El posboni libosin kiygan qizlar.
I boshlovchi:
Hurmatli mehmonlar,aziz ustozlar!Shu aziz vatan deb, el-u yurt tinchligini o’ylab,shahid ketgan marhum ota – bobolarimiz, akalarimiz xotirasi uchun bir daqiqa sukut saqlashlaringizmi so’rayman.
II boshlovchi:
Jonlar fido Vatanga,
Bu gullagan chamanda.
Yuqtirmaymiz zarra gard,
Nomi aziz jon- tanga!
I boshlovchi:
Yog’diramiz ming rahmat
Onamiz, otamizga!
Omon qolmas yov, kalxat,
Suqsa bosh yurtimizga!
II boshlovchi:
Shuning bilan Vatan himoyachilari kuniga bag’ishlab tayyorlangan tadbirimiz o’z nihoyatiga yetdi.
E’tiborlaringiz uchun tashakkur! Doimo sog’ – omon bo’linglar!
Mardlar-qoriqlaydi-vatanni-bayram-dasturi yuklab olish
